EddaCoaching býður námskeið sem eru sérsniðin að þörfum leiðtoga.  Markmiðið með markþjálfun EddaCoaching er að efla konur (og karlmenn eru líka velkomnir!) til að verða fjárhagslegir leiðtogar með öflugt hugarfar og sterk kerfi. Með skapandi nálgun markþjálfunarinnar er unnt að takast á við áskoranir og setja sér markmið sem geta orðið að veruleika.

Edda trúir því statt og stöðugt að með því að taka ábyrgð á sjálfum okkur, eflumst við og getum þannig eflt aðra. Þannig verðum við góðir leiðtogar!

Framtíðarsýn Eddu er að með fjárhagslegri valdeflingu æ fleiri kvenna skapist tækifæri til að umbylta ríkjandi valdastrúktúr í heiminum. Konur eru nú 52% mannkyns en einungis 7% af auði jarðar er formlega í höndum kvenna. Það er kominn tími til að við breytum þessu í sameiningu!

Gildi EddaCoaching eru til grundvallar öllu starfi innan þess: valdefling (empowerment), þróun (development), áskorun (dare), árangur (achievement) og sköpun (creativity). Edda Jónsdóttir er með alþjóðlegt CPC próf í markþjálfun frá Markþjálfunar akademíunni í Mentone í Ástralíu. Akademían er í hópi þeirra skóla sem nýtur vottunar alþjóðamarkþjálfunarráðsins (International Coach Federation). Edda hefur einnig lokið háskólagráðum í mannréttindafræðum, fjölmiðlafræði og ítölsku. Hún hefur fjölbreytta starfsreynslu og hefur meðal annars unnið sem verkefnisstjóri fyrir alþjóðastofnanir og við framleiðslu fjölmiðlaefnis. Edda skrifar reglulega pistla fyrir Smartland Mbl.is.

Sjá nánar: http://www.leaderopia.com/empowerment-of-women.html